सेक्सी पहिरन लगाएको भन्दै ट्रोल गर्नेहरुलाई नुसरतको तिखो जवाफ

नेपाल अखबार, एजेन्सि। बलिउड नायिका नुसरत भरुचालाई उनको पहिरनका लागि असाध्यै ट्रोल गरिएको थियो । अब यसमा उनले तिखो जवाफ फर्काएकी छिन् ।

नुसरतले भनिन्, ‘हाम्रो देशमा सबैजनाले आफ्नो धारणा व्यक्त गर्न सक्छन् । जसरी सबैले आफ्नो सुझाव दिनसक्छन् त्यसरी नै मलाई आफ्नो मन परेको कपडा लगाउने अधिकार छ । ’

नुसरतले थपिन्, ‘जब मैले त्यो पहिरन लगाएँ तब म निकै आत्मविश्वासी थिएँ त्यसकारण मैले त्यो पहिरनलाई कन्फिडेन्सका साथ क्यारी गर्न सकेँ ।’

नुसरतले भनिन्, ‘यदि ड्रेस राम्रोसँग फिट नभएको भए वा उत्कृष्ट नभएको भए म त्यो लगाउँदै लगाउँदैनथेँ । मेरा साथीहरुले पनि उक्त पहिरनको निकै तारिफ गरेका थिए ।’

‘यहाँसम्म कि इन्डष्ट्रिकै मानिसहरुले मलाई आफूहरुले पनि त्यस्तो पहिरन लगाउन चाहेको तर कहिले पनि लगाउन नसकेको बताए । मैले उक्त ड्रेस लगाउन सकेँ, जुन राम्रो कुरा हो,’ उनले भनिन् ।

साथै उनले भनिन्, ‘मलाई यो ड्रेसमा आएको कुनै नकारात्मक कमेन्टले न त कुनै फरक पर्छ न नै यसले चिन्तित नै बनाएको छ । ’

स्मरण रहोस्, नुसरतलाई आयुष्मान खुराना स्टारर ‘ड्रिम गर्ल’ मा मुख्य नायिकाको रुपमा देखिएको थियो ।

नुसरतले सन् २००६ मा ‘जय सन्तोषी माँ’ फिल्ममार्फत् अभिनयमा पाइला टेकेकी थिइन् । उनको दोस्रो फिल्म ‘कल किसने देखा (२००९) बक्स अफिसमा फ्लप साबित भयो । सन् २०११ मा रिलिज भएको ‘प्यार का पंचनामा’ ले उनलाई पहिलो पटक व्यावसायिक सफलता दिलाएको थियो ।

 

Leave a Reply

Your email address will not be published. Required fields are marked *

%d bloggers like this: